Gjykata e Posaçme Kundër Korrupsionit dhe Krimit të Organizuar, (GJKKO) ka shpallur moskompetencë për shqyrtimin e dosjes se sekuestrimit të pasurisë së ish-Prokurorit të Përgjithshëm, Adriatik Llalla.
Vendimi është marrë gjatë seancës së mbajtur në javën e fundit të vitit 2020. Për pasojë, tashmë dosja ka kaluar në Gjykatën e Tiranës.
Ish-kryeprokurori Llalla u mor zyrtarisht i pandehur për fshehje ose deklarim të rremë të pasurive, vepër penale që e ka kryer tre herë, në muajin nëntor të vitit të kaluar.
GJKKO pranoi kërkesën e SPAK për gjykimin e çështjes së Adriatik Llallës me 19 nëntor.
Ky njoftim u prit mirë edhe nga ambasadorja Yuri Kim e cila shkruante se SPAK po jepte rezultate duke hetuar rastet për të cilat u krijua.
