Apeli i Krimeve të Rënda ka lënë në fuqi masën ‘arrest me burg’ për gjyqtarin Roland Hysi. Kujtojmë këtu faktin se ata u arrestuan, pas skandalit të publikuar nga emisioni “Stop”.
Policia e Fierit arrestoi gjykatësin Roland Hysi dhe psikologen Elona Meçani. Gjykatësi u filmua nga kamera e fshehtë e emisionit investigativ “Stop”, duke i kërkuar para dhe favore seksuale një nëne që luftonte për kujdestarinë e fëmijës së saj.
Nga ana tjetër, psikologia Elona Meçani bënte edhe rolin e sekseres, e po ashtu merrte pjesën e saj prej 500 eurosh.
Ata akuzohen për “Korrupsion pasiv i gjyqtarëve dhe prokurorëve”, si dhe për “Ushtrim i ndikimit të paligjshëm të funksionarëve”.
