Botërori i Rusisë ka qenë i mbushur me plot surpriza, por kombëtarja që ka dhuruar më shumë emocione ka qenë Kroacia. Ata janë ekipi që kanë luajtur më shumë minuta në këtë Kupë Bote, pasi u është dashur të kalojnë dy faza pas gjuajtjes së penalltive, praktikisht me Danimarkën dhe Rusinë.
Padyshim që heroi i penalltive tek kroatët ka qenë portieri Subasic, i cili ka thyer çdo parashikim që mund të ishte bërë për performancën e tij në Botëror. Por vendimtarë në të dyja rastet ka qenë Ivan Rakitic, i cili nuk ka gabuar në asnjë penallti edhe pse ka pasur presionin më të madh mbi shpatulla.
30-vjeçari është vendosur i pesti nga trajneri kroat, pra penalltia e tij është ajo që vendosi fatin e kroatëve në dy ndeshjet e fundit. Ylli i Barcelonës ka zbuluar pas këtij suksesi qëndron një provokim i vjehrrës së tij që ia ka bërë në vitin 2014 sa ishte pjesë e Sevillas.
“Pasi humba një penallti ndaj Rayo Vallecano vjehrra më dërgoi një fotografi të qenit tim dhe më tha se ai gjuan penalltitë më mirë se unë”, ka thënë Rakitic, duke treguar se ky provokim e ka motivuar atë të jetë më i saktë nga pika e bardhë.
Duke parë pasigurinë e Luka Modric nga penalltitë, Raktic është shpëtimtari i vetëm i Kroacisë nëse fati i tyre do të varet prapë na penalltitë. Por, duke parë qetësinë e yllit të Barçës, kroatët nuk kanë ndonjë arsye për panik dhe me sa duket për këtë duhet të falënderojnë vjehrrën e lojtarit.
