Kryeministri Edi Rama ka postuar një foto në profilin e tij në “Facebook”, të një avioni që shkruan “Air Albania” dhe me mbishkrimin “Së shpejti”.
Aeroportit të Rinasit, shumë shpejt duket se do t’i shtohet një linjë ajrore shqiptare. Këtë lajm Rama e ka bërë me dije në maj të vitit 2017 në një konferencë për shtyp me përfaqësues të Turkish Airlines ku deklaroi se transporti ajror do të hyjë në një epokë të re.
Rama falenderoi presidentin turk Erdogan, që sipas tij po e mbështet projektin për një linjë të re shqiptare. “Diskutuam për linjën e re shqiptare kuqezi dhe jemi në finalizimin e këtij projekti. Do t’i japim shqiptarëve një tjetër mundësi.” – tha Rama.
