Autoritetet policore në Itali, arrestuan një murator shqiptar 54-vjeçar në Romë me akuzat e përpjekjes për zhvatje. Arrestimi u krye për shkak të ankesës së një 72-vjeçari italian nga provinca e Latinës.
Ky i fundit, pronar i një ndërtese në ”’Renato Simoni”, kishte porositur 54-vjeçarin, me profesion murator, për të riparuar filtrimet e ujit brenda banesës, shkruan 7Colli.
Pasi përfundoi punën, 54-vjeçari mori pagesën për të cilën kishte rënë dakord, por më pas, filloi të kërkonte 8,000 euro shtesë nga 72-vjeçari. Kur pronari refuzoi, muratori nuk i ktheu çelësat dhe e dha me qira shtëpinë, pa një kontratë të rregullt, tek një qytetar maroku 40-vjeçar.
Duke kuptuar përvetësimin nga muratori, pronari 72-vjeçar ndërmori hapa për të rregulluar qiranë e pronës, duke përcaktuar një kontratë të rregullt me qiramarrësin. Që nga marsi i vitit 2020, shqiptari vazhdimisht paraqitej në shtëpinë me qira, duke kërkuar padrejtësisht, përmes kërcënimeve serioze, qiranë nga 40-vjeçari, i cili gjithashtu denoncoi sjelljen e paligjshme të tij.
I arrestuari u dërgua në burgun Regina Coeli, në dispozicion të autoriteteve gjyqësore.
