Ndeshja u mbyll në “paqe” duke ndarë të dy ekipet nga një pikë, por nuk kanë dalë në atë mënyrë lojtarët nga fusha. Pas vërshëllimës së fundit të arbitrit, shumë lojtarë janë drejtuar vpër tek pankina e Napolit ku ishte ndezur një debat i fortë mes Maurizio Sarrit dhe Lucas Biglias.
Mesfushori i Milanit po debatonte me tone të larta me trajnerin e Napolit, ku më pas janë përfshirë Andre Silva, Jorginho, Coulibaly dhe Kessie. Sarri është ankuar për sjelljen e argjentinasit ndaj Insignes dhe i ka kërkuar që të mos merret me të, por merru me mua dhe Biglia nuk ia ka përtuar.
Gjithsesi, në dhomat e zhveshjes, Sarri ka shkuar të takojë Biglia dhe të dy dolën së bashku nga stadiumi duke biseduar qetësisht dhe u ndanë me një përqafim. “Doja t’i shpjegoja një koncept, por në fillim ai nuk më kuptoi,” – sqaroi Sarri.
