Senatori amerikan, Bernie Sanders, ndërpreu fushatën e tij për të fituar nominimin si kandidat për President të SHBA-së nga ana e Partisë Demokratike në SHBA.
Konventa e Partisë Demokratike, ku nominohet kandidati i saj për zgjedhjet presidenciale në SHBA-së, pritet të mbahet në muajin gusht.
Sanders ka qenë i dyti në renditje për të fituar nominimin, pas ish-nënpresidentit amerikan, Joe Biden.
Pas një serie fitoresh në mars, Biden ka një epërsi në numrin e delegatëve të nevojshëm për të siguruar emërimin e partisë për zgjedhjet presidenciale të nëntorit, shkruan “Rel”.
Kujtojmë se nga Partia Republikane për rizgjedhje garon Presidenti aktual i Shteteve të Bashkuara, Donald Trump.
