Vijojnë lëvizjet në strukturat e Policisë së Shtetit. Ministri Lleshaj ka firmosur emërimin e Muhamet Rrumbullakut në krye të Shërbimit për Çështjet e Brendshme dhe Ankesat.
Kështu, Rrumbullaku zëvendëson Anila Trimin. Lajmin e bëri të ditur zv/ministri i Brendshëm, Besfort Lamallari gjatë një takimi me drejtuesit qendrorë të SHÇBA-së.
Njoftimi i plotë:
Emërohet drejtuesi i ri i SHÇBA-së
Zëvendësministri i Brendshëm Besfort Lamallari, gjatë një takimi paraditen e sotme me drejtuesit qendrorë të Shërbimit për Çështjet e Brendshme dhe Ankesat (SHÇBA) bëri të njohur urdhrin e Ministrit të Brendshëm Sandër Lleshaj, për ndryshime në nivel drejtues në këtë strukturë.
Kështu, z. Muhamet Rrumbullaku, me një karrierë të gjatë në strukturat e Policisë së Shtetit, emërohet Drejtor i Shërbimit për Çështjet e Brendshme dhe Ankesat (SHÇBA), në Ministrinë e Brendshme.
- Rrumbullaku zëvendëson në këtë detyrë znj. Anila Trimi.
