Deputeti demokrat Ervin Salianji ka komentuar deklaratat e ministrit të Brendshëm, Sandër Lleshaj, ku foli për sigurinë në vend, si dhe për ngujimin e studentëve.
Salianji e quan Lleshajn shvejkun dhe pupacin e kryeministrit, teksa pretendon se ministri ka zgjedhur të ketë partner krimin. Në postimin e radhës në Facebook, Salianji shkruan se shqetësimi kryesor i Sandër Lleshajt është dhuna dhe terrorri psikologjik ndaj studentëve protestues. Po kështu, sipas tij, Lleshaj është ministri që do të mbahet mend si urdhëruesi i pushtimit policor të universiteteve.
