Salah i papërmbajtshëm, Dzeko: Ja çfarë i kërkova pas shortit

Roma do të përballet sonte në “Anfield Road” me skuadrën e Liverpool në gjysmëfinalen e Champions League. E veçantë do të jetë përballja e lojtarit më të mirë të momentit në Angli me ish-ekipin e tij që e la një vit më parë, Mohamed Salah. Edin Dzeko para ndeshjes ka zbuluar një bisedë që ka pasur me ish-shokun e skuadrës para kësaj ndeshje kaq të rëndësishme.Dzeko i ka uruar fat Salahut në thyerjen e rekordeve të golave në Premier League duke shënuar 41 gola që i kanë ndihmuar të shpallet Lojtar i Vitit, por i ka kërkuar të mos shënojë kundër ish-skuadrës.“Shkruajmë shpesh. Kur u hodh shorti i gjysmëfinales, i shkrova dhe i urova fat në thyerjen e rekordit në Premier League, por i thashë të mos shwnojw kundër nesh!”, ka thënë Dzeko. Nga 41 golat e shënuara këtë sezon, Salah nëntë i ka realizuar në Ligën e Kampionëve.