Sulmuesi i Liverpool, Mohamed Salah, i cili doli mes lotësh pas dëmtimit në finalen e Champions League në Kiev që u humb nga “The Reds” kundër Realit me rezultatin 3-1, u zëvendësua dhe më pas iu drejtua stafit mjekësor për të bërë ekzaminimit radiografike për të parë se në çfarë grade është fraktura
Edhe pse pësoi një dëmtim serioz në shpatull, Mohamed Salah nuk dorëzohet dhe pavarësisht se mediat e japin si të sigurt mungesën e tij në Botërorin rus, sulmuesi i Liverpoolit ka bindjen se do të jetë në kompeticionin më të rëndësishëm në rang kombëtaresh.
Menjëherë pas këtij dëmtimi ishin të shumtë ata që nuk besonin, se lojtari do të rikuperohej për Botërorin, por egjiptiani me anë të një reagimi është shprehur i bindur se deri atëherë do të rikuperohet:
Megjithatë Salah u jep fund këtyre zërave. “Ishte një natë e vështirë për mua mbrëmë, por unë jam një luftëtar. Pavarësisht keqkuptimeve , jam i bindur se do të jem në Rusi për ti bërë të gjithë krenarë. Dashuria juaj dhe suporti më ka dhënë mua forcën që më nevojitet”, shkruan Salah. Ai duket se do të jetë në Rusi me ekipin e tij Egjiptin, për ta udhëhequr atë.
