Ish-ministri i Brendshëm Saimir Tahiri ka reaguar sërish me anë të një statusi në “Facebook”, pas deklaratave të forta që bëri ditën e sotme. Edhe pse në kuvend ai nuk foli, ish-ministri shfrytëzoi mirë mundësi dhe dha një deklaratë të befasishme për media.
Por, këtë herë ai ka shfrytëzuar rrjetet sociale ku shkruan:
Ora/ 13:25 Kërcënoi Ramën me mesazhe të koduara, reagon Tahiri: Nuk jam dorëzuar
Ish-ministri i Brendshëm, Saimir Tahiri duket se i është rikthyer fort aktivitetit të tij, për të mbrojtur veten nga akuzat që i bëhen, por edhe nga Edi Rama.
Pas deklaratës së bërë për gazetarët pasi doli nga Kuvendi, Tahiri ka vendosur të reagojë sërish, këtë herë në Facebook. Ai u është përgjigjur të gjitha lajmeve që po qarkullojnë në media, se kërcënoi kryeministrin duke përdorur fjalët e tij, kur pasi doli nga Kuvendi për media u shpreh se: “Nuk e besoj që do të ketë bir nënë dhe bir k**ve që mund të më pengojë”.
Postimi i plotë
Kur gjyqin moral ta ben djalli…keshtu quhet ajo qe degjoj cdo dite nga goja e kujt ka qeverisur 25 vjet duke vrare e duke vjedhur per pushtet.
Pas thuajse 6 muajsh, shkova ne Parlament.
Kush e ka marre heshtjen time per dorezim, eshte gabuar. Eshte vetem respekt per drejtesine.
Kete rruge do ndjek me durim.
Ndersa me kete historine e mesazheve te koduara qe leshokam une, bjerini shkurt. As me duhet ti coj mesazh njeriu. Dhe po te kem, jam nga ata qe i ben drejteperdrejte.
Me intereson vetem e verteta dhe drejtesia, askush e asgje tjeter.
E nuk do ndalem!
Ish-ministri i Brendshëm Sajmir Tahiri në një dalje për media, pasi ishte i pranishëm në sallën e kuvendit është shprehur se: “Është njeriu që në 21 janar fshiu filmimet e kryeministrisë, sot më filmoi mua, është fat i mirë”.
Por, ndryshe nga sa pritej, ish-ministri i Brendshëm, Saimir Tahiri nuk foli në sallën e Kuvendit, ku u rikthye pas disa muajsh.
Në përfundim të seancës, ai iu përgjigj interesit të gazetarëve të cilëve u tha se nuk foli pasi në sallë nuk ishte opozita. Megjithatë ai u shpreh se për të ishte ditë e lumtur.
“Ishte ditë e lumtur për mua sepse me filmoi Saliu. Kam motiv ta mirëkuptoj njeriun që fshiu filmimet me 21 janar, dhe sot me filmoi mua”.
Ish-Ministri u shpreh se do të rikthehet në Kuvend, sa herë që të ketë diçka për të më thënë.
“As më mbron njeri as dua njeri të më mbrojë. Për mua ka vlerë e vërteta dhe nuk ka vlerë askush që mund të më pengojë në rrugën time për të bërë drejtësi. Nuk e besoj që do të ketë bir nënë dhe bir k**ve që mund të më pengojë”, – shtoi ai më tej. TIRANA TODAY
