Historia e mbrojtësit Loret Sadiku është mjaft e ngatërruar, ai braktisi dy kombëtare për të luajtur me Kosovën, por FIFA nuk e lejon të realizojë ëndrrën. Ai tashmë është i detyruar të luaj për Shqipërinë, pasi ka mbetur mundësia e vetme. 27-vjeçari fillimisht ka përfaqësuar Suedinë deri në moshën 21 vjeçare dhe më pas kërkoi kalimin tek kuqezinjtë.
Menaxheri i përfaqësueses suedeze, Stefan Pettersson, ka theksuar se FIFA i ka kthyer përgjigje negative Federatës, me arsyetimin se Sadiku ka bërë kërkesë një herë për ndryshim të përfaqësueses.
Pani nuk u aktivizua asnjë minutë me Shqipërinë, Sadiku preferoi t’i bashkohej Kosovës, duke u aktivizuar në miqësoret jo zyrtare, por kur “Dardanët” u pranuan në FIFA, ai nuk u lejua të ishte pjesë e formacionit që atëherë drejtohej nga Bunjaku, pasi kishte ndryshuar një herë kombëtaren (La Suedinë për Shqipërinë).
Në këtë situatë, 27-vjeçari bëri përpjekjet e fundit për t’u lejuar të kthehej te Suedia, por përgjigjja e FIFA-s ishte negative. Kjo do të thotë se Loret Sadiku ka vetëm një mundësi, të përfaqësojë Shqipërinë, sigurisht kjo edhe nëse Federata Shqiptare e Futbollit dhe trajneri e vlerësojnë se ndihma e tij nevojitet te kuqezinjtë.
