Kryeministri Edi Rama ka folur për herë të parë lidhur me një kontradiktë që ka e ambasadorin e BE-së në Tiranë, Luigi Soreca. Rama ishte në Shkallnur të Durrësit, në një takim me fermerë për prezantimin e programit të ri IPARD.
Gjatë këtij takimi, ai nuk i kurseu batutat, ku përfshiu edhe Luigi Sorecan, të cilin e kishte në krah gjatë takimit. E kontradikta mes tyre qëndronte pikërisht te futbolli.
“Kemi një kontradiktë të pashmangshme që do të mbetet deri në fund se ambasadori është me Napolin, unë dihet se me kë jam. Sa herë e shoh me vjen keq se është gjithmonë i dyti, por sidoqoftë po e mbajtët vendin e dytë në raport me ne, jemi mirë të dy palët. Të paktën në këtë rast. Merreni si të doni ju këtë tani”, tha Rama.
Kryeministri është tifoz i skuadrës së Juventusit.
