Një shpërthim pranë një supermarketi në Shën Petërsburg ka lënë të paktën 10 persona të plagosur dhe më shumë se 50 të tjerë janë evakuuar.
Nga informacionet e para nuk raportohet për viktima, ndërsa ende nuk dihen shkaqet që cuan në shpërthimin në supermarket. Sakaq, në këtë qendër ku ndodhi shpërthimin njerëzit kishin dalë për të bërë pazaret në prag të festave të fundvitit.
Ndërkohë nuk përjashtohet mundësia e ndonjë sulmi të qëllimshëm në supermarket, ku mbetën 10 të plagosur dhe më shumë se 50 të tjerë u evakuuan nga autoritetet.
“Dëgjuam një zhurmë. Personeli i emergjencës është tashmë në vendin e ngjarjes. Evakuimi ka përfunduar, ndërsa nuk ka patur zjarr”, tha një zyrtar lokal i Ministrisë së Emergjencave për agjencinë e lajmeve TASS.
Pamjet e mëposhtme tregojnë se në vendngjarje kanë mbërritur shërbimi policor dhe stafi mjekësor.Shpërthimi është regjistruar në katin përdhe të supermarketit, por fatmirësisht ende nuk raportohet për jetë të humbura.
Zyrtarët janë përqendruar dhe po e trajtojnë rastin si një tentativë për vrasje masive, ndërsa në shpërthim mund të jetë përdorur një sasi e konsiderueshme lënde shpërthyese. TIRANA TODAY.
