Ndërkohë që SHBA ka prishur marrëdhëniet me Korenë e Veriut, Rusia po i jep shtetit mashtrues një mundësi kibernetike për të shpëtuar. Kompania shtetërore ruse TransTeleCom i ka siguruar regjimit të Kim Jong Un një lidhje të re interneti sipas projektit të monitorimit të Koresë së Veriut. Ekspertët e sigurisë kibernetike gjithashtu kanë konfirmuar lidhjen e re ruse.
Ky veprim forcon aftësitë kibernetike të Koresë së Veriut, në një kohë kur tensionet me SHBA-në janë të larta, por zvogëlon gjithashtu mbështetjen ndaj Kinës.
Më parë trafiku i internetit në Korenë e Veriut kanalizohej përmes një lidhjeje të vetme të siguruar nga kompania kineze e telekomunikacioneve China Unicom. Tani Koreja e Veriut, ka një burim nga Rusia.
Ky është një veprim i rëndësishëm në një kohë kur Shtetet e Bashkuara po rrisin presionin ndaj kompanive kineze për të shkëputur lidhjet e biznesit me Korenë e Veriut.
“Kjo do të thotë se për të ndërprerë internetin në vend do të duhet që dy kompani të shkëputin marrëdhëniet e biznesit”, tha Martyn Williams, për median “38 Veri”. Ai drejton faqen e internetit Koreja e Veriut Teknologji.
TransTeleCom tha në një deklaratë për CNN se Rusia ka vendosur lidhjet telekomunikuese me Korenë e Veriut sipas një marrëveshjeje të nënshkruar që në vitin 2009./Tirana Today/
