Vladimir Putin njoftoi operacionin ushtarak në Ukrainë në orën 5:55 të mëngjesit me orën e Moskës, ku u lëshuan granatimet dhe raketat e para në Ukrainë.
Në Kiev, një sirenë emergjente është ndezur dhe fotografitë tregojnë rradhë makinash që bllokojnë një autostradë, ndërsa njerëzit largohen nga qyteti.
Dëshmitë e mediave sociale flasin për një ndjenjë paniku në rritje, me disa që thonë se ata po dërgohen me nxitim në strehimore dhe në bodrume. Pamjet televizive kanë treguar njerëz duke u lutur në rrugë, të grumbulluar në grupe.
Gazetari i ‘Guardian’, Luke Harding, në Kiev thotë në Twitter se ka pak njerëz në rrugë dhe se janë në radhë në makinat e tyre.
Burimi i lajmit: BBC. Përshtatur nga Tirana Today
