Rusia u mposht të hënën në ndeshjen e tretë të grupit A nga Uruguai me rezultatin e thellë 3-0. Ishin rusët që vinin nga dy ndeshje mjaft të mira dhe me shumë gola, por që në këtë sfidë nuk arritën të tregonin asgjë dhe dukeshin të dorëzuar. Luis Suarez shënoi golin e parë të sfidës nga goditje dënimi.
Sulmuesi i cili luan me Barcelonën zhbllokoi takimin falë një goditje dënimi që u ekzekutua në mënyrë perfekte. Por për të dërguar topin në rrjetë Suarez pati edhe ndihmën e një futbollisti rus. Ai tentoi të bllokonte dy lojtarë në zonë, Cavanin-n dhe Martin Caseres, por nuk e llogariti që në këtë mënyrë do t’i hapte rrugën Suarez për të goditur drejt e në portë.
Hipoteza që kanë ngritur analistët ishte se Rusia kërkonte ta mbyllte e dyta në grup për të shmangur një përballje me Spanjë, pasi priteshe që të ishte Portugalia kokë grupi. Por duket se gjërat nuk shkuan ashtu si u llogaritën, pasi Irani barazoi portugezët në minutat e fundit dhe i zbriti ata në vendin e dytë.
