Rusia ua ndaloi hyrjen tetë zyrtarëve të vendeve të Bashkimit Evropian, në shenjë hakmarrjeje për sanksionet që BE-ja i vendosi Rusisë.
Ministria e Jashtme ruse tha se të ndaluarit përfshijnë nënpresidenten e Komisionit Evropian, Vera Jourova, dhe presidentin e Parlamentit Evropian, David Sassoli, shkruan agjencia e lajmeve, Reuters.
“Bashkimi Evropian vazhdon politikën e masave të njëanshme, kufizuese dhe të paligjshme, që kanë në shënjestër qytetarët dhe organizatat ruse. Veprimet e tilla nga Bashkimi Evropian nuk lënë asnjë dyshim se qëllimi i tyre i vërtetë është të frenojnë zhvillimin e vendit tonë me çdo kusht”, tha përmes një deklarate Ministria e Jashtme ruse.
BE vendosi sanksione në muajin mars ndaj dy rusëve të akuzuar për përndjekjen e njerëzve homoseksualë dhe lezbike në rajonin jugor rus të Çeçenisë.
Gjithashtu, unioni europian sanksione edhe ndaj katër zyrtarëve të lartë rusë pranë Presidentit Vladimir Putin.
