Hulumtimet e reja tregojnë se Rusia fitoi rreth 100 miliardë euro nga eksportet e naftës dhe gazit gjatë 100 ditëve të para të konfliktit në Ukrainë, megjithëse të ardhurat e saj ranë në maj.
Raporti, nga Qendra e pavarur për Kërkime mbi Energjinë dhe Ajrin e Pastër paralajmëron gjithashtu për boshllëqet e mundshme në përpjekjet e BE-së dhe SHBA-së, për të kufizuar importet nga Rusia.
Eksportet e naftës dhe gazit rus po bien dhe të ardhurat e Moskës nga shitja e energjisë kanë rënë gjithashtu nga një kulm prej mbi 1 miliard dollarë në ditë në mars.
Por ato mbeten shumë të larta sipas standardeve historike – dhe ende tejkalojnë vlerësimet e publikuara gjerësisht të kostos së luftës në Ukrainë.
Raporti thotë se embargoja e planifikuar e BE-së e naftës do të ketë një ndikim të rëndësishëm. Por ai paralajmëron se sasi të mëdha të naftës së papërpunuar ruse, tani po dërgohen në Indi, ku ato rafinohen dhe shiten – shpesh te klientët në SHBA dhe Evropë.
Raporti thekson gjithashtu se ndërsa Rusia kërkon tregje të reja për naftë, shumica e saj po transportohet me anije – dhe shumica e anijeve të përdorura janë në pronësi evropiane.
Burimi i lajmit: BBC. Përshtatur nga Tirana Today
