Ekipi organizator i Botërorit 2018, Rusia ka zhvilluar ditën e sotme një ndeshje miqësore ku ka fituar 4-2 ndaj Koresë së Jugut. Interesant ka qenë një baner i shpalosur ne fillimin e ndeshjes kur po zbrisnin ekipet në fushë. Tifozët rusë kishin shpalosur fillimisht në shkallët e stadiumit flamurin e Rusisë. Ndërsa më pas një baner me fotografinë e liderit të tyre Putin ka mbuluar shkallët e stadiumit dhe në të shkruhej “së bashku ne jemi fuqi”.
Nuk dihet nëse ky baner ka pasur një mesazh politik, apo ka qenë në drejtim të kombëtares së tyre që ka pasur shumë probleme vitet e fundit ku edhe janë përjashtuar shumë lojtarë nga ekipi me urdhër të vetë Putinit, pasi kishin zhgënjyer me performancën e dhënë në fushë.
Por ky baner mund të ketë qenë edhe një simbol falënderimi apo për të treguar mbështetjen që ka populli për liderin e tyre. Pasi Putin ka pasur edhe ditëlindjen një ditë më parë. /Tirana Today/
https://www.youtube.com/watch?v=MeeBmpUuBpw&ab_channel=Yescom27
