“Rusia apo Coca-Cola?”, kjo ishte dhe pyetja që bëri kuriozë të gjithë ata që po shikonin finalen e Botërorit mes Francës dhe Kroavisë. Kjo ishte pyetja e arbitrit kryesor, Nestor Pitana drejtuar Luka Modricit dhe Hugo Llorisit gjatë hedhjes së shortit para fillimit të ndeshjes.
Menjëherë pati një reagim të madh në rrjetet sociale ku tifozët pyesnin se pse iu drejtua ajo pyetje dy kapitenëve gjatë shortit për zgjedhur anën e fushës dhe se kush do të nisë topin i pari. Edhe pse në fillim për shumë njerëz pyetja e gjyqtarit ishte e pakuptimtë, pas saj qëndron një arsye e thjeshtë.
Monedha që është përdorur nga arbitrat në ndeshjet e Botërorit për të hedhur shortin kishte nga njëra anë vendin organizator(Rusinë) dhe nga ana tjetër sponsorin kryesor(Coca-Cola). I pari që zgjodhi ishte Lloris, i cili zgjodhi markën e njohur të pijeve.
Por, duket se kjo i sjell fat skuadrës franceze pasi portieri i Francës bëri zgjedhjen e njëjtë edhe në fitoren ndaj Urugait e cila u drejtua nga Pitana.
Përveç kësaj emri i arbitrit argjentinas në finale është komentuar shumë edhe për vendime të gabuara, veçanërisht më shumë zhurmë bën ajo penallti që akordoi për Francën. Pitanas pas finales është lakuar edhe për referimin jo të mirë, posaçërisht te penalltia e dhënë Francës.
