Dhe pak ditë na ndajnë nga dueli që është konsideruar si më i madhi në historinë e UFC-së, ku Conor McGregor do të përballet me Khabib Nurmagomedov për ti marrë atij titullin kampion bote të arteve marciale mikse. Lufta në kafaz do të zhvillohet më 6 tetor në Las Vegas, në eventin UFC-229. Mes dy sportistëve, që dikur kanë qenë miq, tashmë nuk rrjedh më e njëjta ndjenjë dhe të dy dëshirojnë të lëndojnë sa më keq rivalin në kafaz.
Këtë gjë e ka konfirmuar edhe kampionin në fuqi, rusi Nurmagomedov, që tha: “Jam i pamposhtur dhe do të mbeten i tillë. Nëse Conor mendon se mund të fitojë duke ulëritur apo me uiski, gabon. Unë nuk do të ngjitem në kafaz vetëm për ta mundur atë, por për ta shkatërruar një herë e mirë”.
Rusi në karrierën e tij si profesionist ka 26 vitore dhe asnjë humbje në kafaz, ndërsa tani do të mbrojë për herë të parë titullin kampion që e ka fituar në prill të këtij viti. Ndërsa nga ana tjetër Conor është rikthyer në kafaz pas rreth dy vitesh, për të rimarrë titullin kampion bote, pasi iu hoq në prill, pasi nuk e kishte mbrojtur asnjëherë.
