Rusi 2018/Pas shkatërrimit nga Spanja, Messi “fshin” Argjentinën nga favoritët

Lionel Messi është rikthyer të flas për herë të parë pasi Argjentina e tij u shkatërrua nga Spanja në miqësoren e Marsit me rezultatin e thellë 6-1. Ai ka shprehur dëshirën për një triumf të kombëtares së tij në “Rusi 2018”, por nuk e radhit ndër ekipet favorite që mund të triumfojnë në këtë kompeticion.

“Synimi jonë është të shkojmë në finale dhe ta fitojmë atë. E dimë shumë mirë që për ta arritur, duhet të luftojmë shumë në çdo ndeshje, njëkohësisht shpresojmë që këtë herë të fitojmë, ndryshe nga finalja e Brazilit. Personalisht mendoj se 3 kombëtaret favorite për ta fituar kompeticionin, janë Spanja, Brazili dhe Gjermania”, tha argjentinasi.

Messi ka folur edhe për të ardhmen e tij, ku është shprehur se nuk e mendon dot veten jashtë futbollit edhe për shumë vite. “Jam i vetëdijshëm që një ditë do të më duhet të largohem nga ky sport, por deri sa të mbërrijë ky moment, dëshiroj të vazhdoj të luajë dhe të fitojë sa më shumë tituj të jetë e mundur”, u shpreh Messi.