Nuk dihet nëse ka qenë thjesht fitorja e Zvicrës ndaj Serbisë, ajo që ka irrituar mediat e Beogradit e ato ruse, apo fakti se dy golat u shënuan nga shqiptarë që për më tepër shkuan e bënë shqiponjën në momente deliri.
Dhe kjo ka bërë që fjala e tyre tashmë simbol, “Provokacija” të ketë shoqëruar komentet e pas-ndeshjes.
Sipas Sputnik, megjithë paralajmërimet të Federatës Ruse të Futbollit dhe shërbimeve të sigurisë për fair play, futbollistët e Zvicrës e shkelën atë.
Ja ç’shkruan portal i Kremlinit:
“Gjatë kremtimit të golave në pjesën e dytë, Granit Xhaka ishte shqiponjë shqiptare në gjoks, duke provokuar serbët. Ky nuk ishte i vetmi provokim në lojë, pasi edhe Xherdan Shaqiri ka flamurin e Kosovës në këpucën e tij. Federata e Futbollit e Serbisë (FSS) u kërkoi tifozëve të mos shkelin rregullat e sjelljes kundër Zvicrës në Kupën e Botës në Rusi.
Ky reagim ndoqi provokimet e tifozëve shqiptarë. Shqiptarët e konsiderojnë ekipin kombëtar zviceran si ‘kombëtarja B’ e tyre sepse luajnë 5 lojtarë me origjinë shqiptare të lindur në Kosovë dhe në Maqedoni.
Shqiptarët etnikë, të cilët luajnë në ekipeve të ndryshme, shpesh kanë festuar golat në këtë mënyrë, simbolikisht duke aluduar të ashtu-quajturën Shqipëri të Madhe.
Xhaka ka lindur në Basel, prindërit e tij janë nga Kurshumlija, dhe aktualisht luan për Arsenalin në Londër, ndërsa Shaqiri ka lindur në Gjilan dhe aktualisht është lojtar i Stoke Sity-it.
Ndërkohë, duhet kujtuar se para takimit nuk pati të tilla komente. Por pati figura si Sheshel të cilat provokuan. Politikani intrasigjent serbe nxori një karikaturë të Hashim Thaçit duke u çiftuar me dhi, e gjithë e lidhur me ndeshjen.
Por ajo që ndodhi në fushë vërtet që ngjante si një ndëshkim qiellor. Ekipi që vërtet e ka ashtin shqiptar, Zvicra e shkon dhe e rreh Serbinë pikërisht me dy gola shqiptarësh.
