Kryeparlamentari Gramoz Ruçi është shprehur se nuk është bërë pishman për zgjedhjen e Ilir Metës në krye të Shtetit. Po kështu ai tha se nga Meta pret vetëm zbatimin e Kushtetutës dhe jo plotësimin e orekseve politike.
“Lidhur me deklaratën time para raundit të 4, nuk jam bërë pishman. Ka qenë një deklaratë, e cila përfaqësonte jo vetëm mendimin tim. Por edhe sikur të përfaqësonte mendimin tim si kryetar të grupit, përsëri theksoj dhe sot e kësaj dite, nuk kishte luksin Shqipëria që të kalonte nga zgjedhje në zgjedhje.
Ka qenë deklaratë që Kuvendi e mbështeti dhe e kurorëzoi me zgjedhjen e Presidentit.
Nuk jam pishman për votën që jap dhe për qëndrimet që jap. Nuk kam pritur që Presidenti i Republikës, kushdo që të ishte, edhe z. Meta, të operojë gjatë përmbushjes së detyrës sipas orekseve politikë apo partiake të asnjë pale. Kam pritur dhe pres që z. Meta të zbatojë Kushtetutën dhe vetëm kaq.
Edhe përkthimet e ligjeve është në kompetencën e tij që me dekret ka kthyer dy pr/ligje”, përfundoi ai.
