Deputeti i Partisë Demokratike është përjashtuar nga seanca e sotme nga kreu i Kuvendit, Gramoz Ruçi.
Noka i doli në mbrojtje ish-kryeministrit Berisha, duke kërkuar që këtij të fundit t’i jepej e drejta e fjalës, ndërsa opozita tentoi bllokimin e foltores.
Menjëherë pas kësaj situate të tensionuar, Ruçi është treguar “i pamëshirshëm” duke përjashtuar Nokën, pasi nuk lejoi Shezai Rrokajn të mbante fjalën e tij në foltore.
PD pretendon se Rama e ka quajtur Berishën “të rrjedhur” gjë që ka shkaktuar “shpërthimin” e Nokës, i cili ka kërkuar fjalën për procedurë që të kërkonte përjashtimin e Ramës, por është përjashtuar vetë nga Ruçi.
Kreu i grupit parlamentar të PS, Taulant Balla foli jashtë ambienteve të Kuvendit, ku tha se ky ishte një skenar i parapërgatitur nga PD.
