Gjatë tre muajve të fundit, kanë ndodhur 6 ngjarje mafioze. Kjo situatë e cila po precipiton me hapa galopantë, ka kthyer edhe një herë vemendjen tek rendi, por teksa po luhet me ta, është politika e cila e shfrytëzon mjaft mirë. PD, duke marë shkas nga ngjarjet e bujshme të ditëve të fundit, ka marë një vendim në shenjë proteste, duke mos marrë pjesë në seancën e parë në Kuvend.
Opozita nuk do të jetë sot në hapjen e sesionit të ri parlamentar. Pas një mbledhje me aleatët, përfshi edhe LSI-në, opozita ka vendosur që sot në orën 17:00 të jetë në Shkodër, kjo në shenjë këmbane alarmi.
“Mbledhja ne Shkodër, si mesazh qëndrese kundër krimit, me mbështetje qeveritare. 3 muajt e fundit kane ndodhur 6 vrasje mafioze, dhe janë zhdukur 2 persona. Per krimet nuk ka asnje autor, sepse banda e Bajreve ka lidhje me Edi Ramën. Çlirimi i qeverisjes nga krimi, prioriteti absolut i opozites ne sesionin e ri parlamentar”, thuhet nga PD.
Në orën 17.00, Kuvendi hap sesionin e ri parlamentar. Hapja e sesionit do të jetë formale dhe në rend të ditës është miratimi i kalendarit tre javor. Në 3 javët e para, Kuvendi i Shqipërisë parashikon shqyrtimin e 33 projektligjeve.
Ngjarjet kriminale kanë mbërthyer edhe gazetarinë. Rasti i Klodiana Lalës tronditi mbarë opinionin publik, por për fat të keq, nuk ishte e vetmja.
Terrori që ka mbërthyer vendin, ka zaptuar edhe fushën e gazetarisë. Kujtojmë këtu rastin e Flamur Vezaj apo Dashamir Biçakut, që janë kërcënuar me jetë. Rrjedhës së këtyre ngjarjeve iu shtua edhe ai i gazetarit Julian Shota, i cili u kërcënua me pistoletë në kokë nga i forti i Laçit.
https://tiranatoday.com/gazetari-kercenohet-me-pistolete-ne-koke-nga-i-forti-i-lacit-shokon-shefi-i-policise-jam-me-leje-te-fala/
