Rruga “Skënderbej” në lagjen “Visarion Xhuvani” në Elbasan ka një pamje komplet të ndryshme nga ajo që banorët janë mësuar të shohin.
Investimi i bërë së fundi ka ngjallur shumë ide interesante duke filluar me lyerjen e veçantë të pllakave, koshat e mbetjeve për të vazhduar me grafite mjaft tërheqëse në mure me mesazhe kuptimplota.
Ideatori dhe realizuesi është një biznesmen, i cili ngritur aktivitetin e tij në këtë rrugicë, por nuk dëshiron të identifikohet.
Ai thotë se ideja i erdhi pas rregullimit të rrugës dhe mundësia që përreth lokalit tij të kishte një ambient mikpritës dhe interesant i kaloi në mendje. Fillimisht mendoi për sigurinë duke vendosur policë të shtrirë. Mori punonjësin e firmës dhe bojën e veçantë të pllakave dhe realizoi fazën e parë.
“Pas pllakave dhe vendosjes së barrierave për shkak se këtu ka shumë fëmijë, mendova për muret. Kishin nevojë për ngjyra dhe jetë. Një piktor i grafiteve realizojë këto që shikoni. Më pas vendosëm koshat. Janë mjaft cilësorë por për fat të keq një natë më parë dy nisën të na i dëmtojnë kështu që i hoqëm. Do të vendosim në lartësi dhe vazo me lule. Kjo është një rrugicë që duhet të jetë model. Ngjyrat tregojnë gjallëri dhe jetë”, thotë ai, shkruan Konica.al.
Tashmë për rrugicën mbresëlënëse ka nisur faza më e vështirë: mirëmbajtja. Ai thotë se i gjithë komuniteti duhet të angazhohet për t’i ruajtur të gjithë elementët e kësaj rruge. Gjithashtu biznesmeni fton të gjitha bizneset e tjera të bëhen bashkë që rrugët e rrugicat pranë tyre ti bëjnë sa më të bukura pasi kështu rrisin vlerën e biznesit, të lagjes dhe të qytetit ku jetojnë.
Një ide mjaft e këndshme, e cila do kënaqte syrin e çdo qytetari në çdo lagje të Elbasanit, por jo vetëm.
[ngg_images source=”galleries” container_ids=”311″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
