Kryeministri Edi Rama ka inspektuar sot autostradën Tiranë-Durrës, ku shoqërohej nga ministrja e infrastrukturës dhe Energjisë, Belinda Balluku dhe deputetët e Taulant Balla e Evis Kushi.
Rama bisedoi me një nga inxhinierët e rrugës gjatë vizitës në kantier, teksa ky i fundit tha se kostoja është dyfishuar në krahasim me planin që kishte në fillim të punimeve. Po ashtu, inxhinieri bëri me dije se rruga do të jetë e hapur në të dyja krahët e saj në datën 17 maj, ndërsa shtoi se po punohet që ana e majtë të hapet që në fillim të marsit.
“Më në fund drejt përfundimit, pasi u kthye në shembëlltyrën më kuptimplotë të rrugëve të lëna rrugëve dhe të kostove marramendëse financiare e jo vetëm…”, shkruan Rama teksa publikon videon në Facebook.
