Ish-kryeministri Sali Berisha ka sulmuar ashpër kreun e qeverisë Edi Ramën në lidhje me taksën për “Rrugën e Kombit”. Sipas Berishës, Rama bëri turpin e tij kombëtar me vendosjen e kësaj takse, pasi sipas tij, kosovarët janë të lidhur ngushtësisht me Shqipërinë, sidomos në fundjavë dhe kjo ndikon negativisht.
Gjithashtu Berisha tha se rruga deri tani ka luajtur rolin e bashkimit mes kosovarëve dhe shqiptarëve. Berisha teksa ka folur në “Fax News”, iu referua shumës së parave që gjenerojnë kosovarët që lëvizin në rrugën e kombit. Berisha tha se shuma e parave shkon në shifrën e 300 milionë eurove.
Fjala e Berishës
“E quajta Rruga e Kombit, dhe e tillë është. Krahas misionit kombëtar ka edhe misionin tregtar. Ajo e ka përmbushur më shumë se çdo gjë tjetër. Një taksë mbi rrugën, është një akt i turpshëm i Ramës. Kjo i detyron kosovarët të presin biletë për të ardhë në vendin që e duan kaq shumë.
Shqiptarët e Kosovës, sjellin në Shqipëri me lëvizjet shumë. Kalojmë mbi 300 milionë euro. Një mik i im më thoshte një ditë, se ka një dallim të qartë mes shqiptarëve në të dy vendet në raport me fundjavën. Kosovarët janë të mësuar me Ëikkendin, dhe ata bëjnë që fundjavën ta organizojnë krejt ndryshe. Ata e shfrytëzojnë për të ardhur në qytetet e Shqipërisë. Ky është një ndër skandalet e tij, në thelb ai nuk ka asgjë nga patriotizmi.”-tha Berisha.
