Ditën e diel një rrufe ka goditur avionin në të cilin po udhëtonte klubi gjerman i Hertës së Berlinit. Pas fitores ndaj Këlnit në ndeshjen e Bundesligës gjermane, skuadra bardheblu ka përjetuar momente tmerri.
“Kishte një zhurmë të madhe dhe të bërtitura. U ndez një dritë e madhe dhe të gjithë e panë. Unë u frikësova. Më vjen mirë që u ulëm në mënyrë të sigurt. Kurrë nuk e kam provuar diçka të tillë. Na hyri frika deri në palcë. Fatmirësisht dy pilotët e drejtuan në mënyrë të sigurt avionin drejt Berlinit”, ka treguar një nga drejtuesit e klubit gjerman Mikael Pritz për gazetën “Bild”.
