Një 60-vjeçar nga Kuçova është goditur nga rrufeja, sapo ka dalë nga një lokal. Shtetasi Bilbil Asllani, banues në lagjen “Tafil Skëndo” në Kuçovë, po kthehej në shtëpi kur është goditur nga rrufeja, në qendër të qytetit.
Burimet ende jo zyrtare thonë se ai është në gjendje të rëndë, në Spitalin Rajonal të Beratit, ku është dërguar me ambulancë.
Njoftimi i policisë:
“Më datë 11.08.2018, rreth orës 20:00, është marrë njoftim se pranë një lokali në Kuçovë, një rrufe ka goditur shtetasin B.A, 60-vjeç, banues në lagjen “Tafil Skëndo”, Kuçovë.
Për pasojë, shtetasi i lartpërmendur ka marrë lëndime dhe është transportuar në Spitalin Rajonal Berat, për ndihmën e nevojshme mjekësore, i cili për momentin ndodhet jashtë rrezikut për jetën”.
