Gjykata e Tiranës ka marrë vendimin përfundimtar për nënë e bijë, Luli dhe Adela Makashin të cilat mashtruan pothuajse 225 persona për vizë kanadeze.
Luli dhe Adela, të cilat akuzohen për veprën penale të mashtrimit, janë dënuar me 6 dhe 4 vjet burg.
Konkretisht, Gjykata e Tiranës ka dënuar me 9 vjet burg Luli Makashin, që nga gjykimi i shkurtuar shkon në 6 vjet, ndërsa janë dhënë 6 vjet burg për të bijën, Adela, e cila me gjykim të shkurtuar do të vuajë 4 vjet.
Po ashtu, shoqëria “Ande Lm shpk” është gjobitur me 5 milionë lekë, ku edhe në këtë rast me gjykim të shkurtuar gjoba kap vlerën e 3 333 333 lekë.
Nënë e bijë akuzohen për mashtrim me pasoja të rënda kryer në bashkëpunim disa herë, pasi kanë mashtruar 225 persona, me premtimin se do i dërgonin për punësim në Kanada me anë të agjensisë së punësimit Ande-Lm. Kështu, nënë e bijë merrnin nga 2.000 deri në 10.000 dollarë për person duke i mashtruar.
Ato u ndaluan më 28 prill 2016 nga policia e Tiranës, pasi u larguan fillimisht drejt Kanadasë nga ku u depërtuan pas një urdhër ndalimi. Pak ditë para largimit, ato ia kishin shitur kompaninë shtetasit Klevis Rreshka.
Pagesat e disa aplikantëve të mashtruar
D.T ka paguar 250.000 dhe 844.000 lekë
M.M ka paguar shumën 1.000.000 lekë dhe 149 euro
G.SH shumën 250.000 lekë dhe 6000 dollarë
G.T shumën prej 13210 dollarë dhe 280 euro
M.T 250.000 lekë dhe 9500 dollarë.
