Një ditë pas protestës së opozitës së bashkuar, rrjeti i studentëve ‘Demokratë Europianë’ ka reaguar lidhur me dhunën e ushtruar nga policia ndaj protestuesve dhe sekretarit organizativ të PD-së, Sahit Dollapi.
Përmes një deklarate, ky rrjet shprehet se janë dëshmitarë të dhunës së policisë mbrëmjen e djeshme, ndërsa deklaruan se janë në pritje për t’u larguar.
“ZDS ishte duke festuar mbylljen e një takimi të suksesshëm të Këshillit në Tiranë në mbrëmjen e 11 majit, kur papritur një erë gazi helmues u ndje në restorantin tonë. Të tmerruar dhe në vështirësi për të marrë frymë, u strehuam brenda dhomave të mbyllura të restorantit. Sekretarja e Përgjithshme, Sara Juriks, e cili nuk mori pjesë në protestë por ishte e pranishme vetëm në gjatë darkës në Kalanë e Tiranës, filloi të kishte shqetësime dhe miqtë e FRPD-së organizuan një ambulancë për ta çuar në spital.
Gjatë natës ne ishim dëshmitarë të dhunës së vazhdueshme të qeverisë dhe policisë kundër protestuesve të cilët u përndoqën, u dhunuan dhe u arrestuan. Një prej tyre ishte z. Sait Dollapi, Sekretari Organizativ i PD. “Krimi” I tij I vetëm ishte se ai u përpoq të vinte një maskë e cila do ta mbronte atë nga gazi helmues. Momentalisht ne jemi të gjithë shëndoshë e mirë bashkë me miqtë tanë shqiptarë, në pritje për tu larguar nesër në mëngjes”, shprehet rrjeti i studentëve.
