Shifrat e larta të të infektuarve nga Covid-19 në vendin tonë, sidomos përgjatë muajit nëntor, ka bërë që qeveria të hapë spitalin Covid 4.
Ministrja e Shëndetësisë, Ogerta Manastirliu ka qenë e pranishme në këto ambiente ku dhe ka takuar mjekët, dhe është njohur me situatën epidemiologjike.
Sipas saj, me përkushtimin e stafeve mjekësore, me durim e solidaritet do fitohet lufta me armikun e padukshëm.
Postimi në Facebook
Ministrja Ogerta Manastirliu në spitalin COVID4, me stafin mjekësor që nga sot do të shërbejë në strukturën e re të dedikuar për pacientët me covid19, si pjesë e planit tonë të menduar që në krye të herës, për të përballuar situatën e vjeshtë-dimrit.
Forca ekipit të shëndetësisë në këtë sfidë aspak të lehtë.
Me përkushtimin e stafeve mjekësore, me durim e solidaritet do ta fitojmë bashkë këtë luftë me Armikun e Padukshëm
Në 24 orët e fundit në vend, u regjistruan 557 raste të reja dhe 12 viktima nga Covid-19.
