Zv/ministrja e Brendshme, Rovena Voda vizitoi Policinë Kufitare në aeroportin “Nënë Tereza”, ku u njoh me masat për parandalimin e fenomenit të azilkërkimit.
Voda u bëri thirrje të gjithë shqiptarëve që të mos abuzojnë me të drejtën e lëvizjes së lirë, pasi Shqipëria është një vend i sigurt.
“Kemi ardhur këtu për të shpërndarë disa postera dhe fletëpalosje me një mesazh shumë të qartë për të gjithë, për të mos abuzuar me të drejtën e lëvizjes së lirë. Mjafton të kujtojmë që vetëm brenda një muaji ne kemi patur 177 shtetas shqiptarë të kthyer, të cilët nuk kanë plotësuar kriteret e lëvizjes së lirë në vendet Shengen, sigurisht kosto edhe për këta qytetarë, por njëkohësisht edhe abuzim me të drejtën e lëvizjes së lirë. Por të jemi sa më të rregullt, sa më strikt dhe mjafton të rikujtojmë dhe një herë faktin që Shqipëria është një vend i origjinës së sigurt”, ka thënë ndër të tjera zv/ministrja.
Kjo fushatë e ministrisë së Brendshme do të vijojë në të gjitha pikat kufitar, teksa të dhënat më të fundit flasin për një rritje të numrit të azilkërkuesve shqiptarë në Evropë.
