Numri i personave të prekur nga fruthi ka shkuar në 27. Mësohet se 80% e rasteve janë fëmijë nën moshën 1-vjeç, të cilët nuk janë vaksinuar nga fruthi.
Burime nga ISHP dhe QSUT bëjnë me dije për BalkanWeb se është menaxhuar situata për të parandaluar përhapjen më tej të virusit, ndërsa tek grupet me risk është aplikuar vaksina MMR.
Ndërkohë, tek fëmijët nga 9-12 muaj po përdoret vaksinimi i përshpejtuar.
“Kemi aplikuar vaksinën MMR të grupet në risk dhe po aplikojmë vaksinim të përshpejtuar tek fëmijët 9-12 muaj. Në një periudhë të shkurtër janë 2047 të vaksinuar”, thekson ISHP.
