The Guardian raporton se ka shkuar në 135 numri i viktimave, nga shpërthimi pranë portit në Bejrut të Libanit.
Presidenti i vendit, Michel Aoun, deklaroi se autoritetet janë të vendosur për të hetuar sa më shpejt ngjarjen, për të gjetur përgjegjësit.
Ndërkohë që sipas të dhënave të siguruara nga “Reuters” është urdhëruar arresti shtëpiak për të gjithë zyrtarët të përfshirë në ruajtjen e materialeve që nga viti 2014.
Qindra njerëz janë shpallur të zhdukur pas shpërthimit, ndërsa mbi 5 mijë persona janë lënduar si pasojë e tij.
