Pas zotimit të ministrit të Energjisë në Arabinë Saudite se do të vazhdojë politikën e Organizatës së Vendeve Eksportuese të Naftës (OPEC) për shkurtimin e prodhimit për të mbështetur çmimet, nafta ka shënuar rritje në çmim.
Ministri i ri tha gjatë Kongresit Botëror të Energjisë në Abu Dhabi, se marrëveshja e prodhimit e grupit të quajtur OPEC+, ka tendencë që të “qëndrojë për një kohë të gjatë”.
Vendet prodhuese të naftës OPEC+, ku bën pjesë edhe Rusia, në fillim të korrikut u pajtuan që të ulin sasinë e prodhimit të përgjithshëm për 1.2 milionë fuqi në ditë deri në fund të marsit të vitit 2020.
Princi Abdulaziz bin Salman të dielën u emërua ministër i ri i Energjisë në Arabinë Saudite. Ai është djali i mbretit të Arabisë Saudite dhe gjysmë-vëllai i Princit të Kurorës Mohammed bin Salman, ndërsa u zotua se nuk do të ketë “ndryshime radikale” në marrëveshjen e OPEC-ut për të shkurtuar prodhimin.
