Njoftimi i presidentit amerikan Donald Trump se Shtetet e Bashkuara të Amerikës bëhen vendi i parë që e njeh Jerusalemin si kryeqytet të Izraelit, kjo është vlerësuar si një “dështim total” për procesin paqësor në Lindjen e Mesme nga palestinezët.
Por një ministër izraelit u ka bërë thirrje vendeve tjera që të ndjekin veprimin amerikan. Ndërkaq në qytetin Gaza sot dhe zyrtarët palestinezë kanë paralajmëruar shkëputjen e lidhjeve me SHBA dhe përfundimin e bashkëpunimit të sigurisë me Izraelin, pas njohjes zyrtare të Jerusalemit si kryeqyteti izraelit.
Në Gaza po mbahen protesta ku protestuesit kanë djegur fotografitë e presidentit Donald Trump. “Jerusalemi është çështje e popullit palestinez dhe kauzë për vendin”, tha lideri i Hamaz, Ismail Haniya. Sipas vendimi amerikan për njohjen e Jerusalemit kryeqytet të Izraelit do të shkaktojë transformime të tmerrshme në gjithë rajonin.
Në Gaza kanë shpërthyer protesta, ku qindra qytetarë kanë djegur flamujt amerikanë dhe posterët e Trump. Organizata Hamaz dhe Xhihadi Islamik u kanë bërë thirrje liderëve arabë që të shkëpusin marrëdhëniet me SHBA dhe të tërhiqen nga bisedimet për paqe me Izraelin.
“Nëse Jerusalemi do të jetë kryeqytet i Izraelit, atëherë ne jemi në rrugën për zgjidhjen e një shteti të vetëm”, tha Ziad Abu Zayyad, ish-ministri palestinez për çështje të Jerusalemit, shkruan NY Times.
