Një 47-vjeçare është arrestuar, pasi akuzohet për dhunë fizike ndaj fëmijëve të vegjël në një çerdhe private në Selanik ku punonte. Denoncimi në polici është bërë nga kolegu i saj ditën e enjte, ndërsa familja e një foshnje vetëm 16 muajshe konfirmon se fëmija i tyre ka shenja të mavijosura në këmbë dhe në trup.
Përveç kësaj, prindërit kanë marrë masa ligjore ndaj saj, ndërkohë që po hetohet nëse viktima të saj në çerdhen në lindje të Selanikut kanë qenë edhe fëmijë të tjerë, siç raportoi kolegu i saj në polici.
47-vjeçarja është dërguar mesditën e së enjtes në prokurori për kundërvajtje, e cila ndaj saj ka ngritur kallëzim penal për lëndim të rrezikshëm trupor dhe lëndim të të miturve, në tentativë dhe të kryer, serial dhe radhazi. Rasti i saj u referua për t’u gjykuar nesër në Gjykatën Penale të Selanikut, dhe u la e lirë me kusht që të mos afrohej në vendin e saj të punës ose me ndonjë nga punonjësit, me telefon ose personalisht, deri në datën që do zhvillohet gjyqi.
Mavijosje në këmbë dhe trup
Avokati që përfaqëson familjen e foshnjës 16-muajshe, Nikos Petridis, tha se, siç i kanë thënë prindërit dhe rezulton nga shkresat e lëndës, në trupin e foshnjës janë konstatuar mavijosje dhe lëndime. Që nga ajo kohë janë marrë të gjitha masat ligjore me mobilizimin e menjëhershëm të Sigurimit, i cili ka kërkuar hetimin dhe kqyrjen e foshnjës nga ana e Shërbimit Ligjor, ku vërtet janë konstatuar mavijosjet”.
Sipas avokatit të familjes, prindërit i kanë zbuluar plagët sapo fëmija është kthyer në shtëpi, ndërsa tashmë ishin njoftuar nga Sigurimi, pasi i ka paraprirë denoncimi i kolegut 47-vjeçar dhe kanë vijuar procedurat ligjore. “Fëmija dukej i shqetësuar dhe kjo ishte arsyeja pse nëna e tij shkoi të kërkonte të zbulonte se çfarë kishte ndodhur. Ka konstatuar mavijosje dhe lëndime të lehta dhe njëkohësisht është njoftuar nga Sigurimi për rastin”, thotë zoti Petridis.
“Mavijimet janë në këmbë dhe në pjesë të tjera të trupit të foshnjës. Gjithsesi, për shkak të sjelljes së përsëritur ndaj disa fëmijëve dhe siç informohemi të gjithë në të njëjtin stacion, në të njëjtën ditë, tregon edhe qëllimin e autorit për t’i shkaktuar lëndime trupore fëmijëve të mitur”, thekson ai.
E akuzuara punon prej shumë vitesh në çerdhen private, dhe pritet të pretendojë para gjykatës se bëhet fjalë për një kallëzim të rremë ndaj saj, dhe se ka qenë viktimë e mashtrimit.
Në të njëjtën kohë, janë të shumtë prindërit që i dërgojnë fëmijët në këtë çerdhe private, dhe janë mërzitur pas publikimit të denoncimit dhe arrestimit.
Burimi i lajmit: protothema. Përshtatur nga Tirana Today
