Presidenti i Rusisë, Vladimir Putin ka urdhëruar ushtrinë që të nisë investigimin për shembjen e një mali në një rajon të largët të Siberisë. Ky hetim vjen pasi pala ruse ka dyshime se shembja mund të jetë shkaktuar nga një përplasje e UFO-s me malin gjatë uljes.
Edhe pse nuk dihet shkaku, shembja e malit çoi në bllokimin e lumit të Burejës aty pranë dhe la disa fshatra në rrezik përmbytjesh.
Madje, copëzimi i malit dhe zhvendosja e tij shkaktoi një prerje të madhe të malit. Ushtria është udhëzuar që të përdorë eksplozivë që të lejojë ujin të rrjedhë sërish.
Një burim i Ministrisë së Mbrojtjes ruse tha se një grup specialistësh do të nisë rrugën për të kryer zbulimin në vendin, ku shkëmbinjtë ranë rreth 1.280 metra mbi luginën.
Alexey Maslov, kreu i qarkut Verkhnebureinsky ku ndodhi incidenti, tha: “Ne po përpiqemi të gjejmë shpjegimin për këtë incident. Unë insistoj që ishte një meteor.”/Përshtati Tirana Today
