Bëhet me dije se dy pilotë kanë humbur jetën gjatë rrëzimit të avionit në një stërvitje ushtarake në rajonin e Izmirit në Turqi.
Mbetjet e avionit u gjetën tre kilometra në veri nga komanda e bazës ajrore nga ku ishte nisur avioni. Shtabi i Përgjithshëm i Turqisë konfirmoi se avioni për stërvitje SF-260D u nis në ora 10:26 sipas kohës lokale.
Ata thanë se menjëherë pas ngritjes, lidhja e radarit me avionin ushtarak u ndërpre. Janë gjetur rrënojat si dhe trupat e dy pilotëve.
Shtabi i Përgjithshëm njoftoi se kanë nisur hetimet në lidhje me aksidentin ajor dhe u kanë dërguar ngushëllime familjeve të viktimave.
