Sot në orët e para të së dielës, 1 prill, është gjetur i rrezuar një avion luftarak ne Preshevë, pikërisht në fshatin Osllarë. Fshatarët kanë rrëfyer se nuk e dinë sa qe ora, përveçse se ishte natë por dëgjuan një zhurme të madhe dhe ndien se toka u drodh.
Gazetari i agjencisë së lajmeve “Presheva Jonë” ishte para zjarrfikësve dhe policisë; ai ka arritur në vendin e ngjarjes ku është para aeroplani i rrëzuar në fshatin Osllarë ne Luginën e Preshevës.
Duhet thëne se ditën e mërkure, në qiellin e Preshevës u panë avionë luftarak serb duke fluturuar në një distancë të ulët ajrore, afër kufirit me Kosovën.
Numri i viktimave ende nuk dihet, për shkak të djegies së avionit gati në tërësi.
Në vendin e ngjarjes me pas kanë ndaluar edhe pushtetarët lokal të Komunës së Preshevës. Ata kanë deklaruar se: “na e ka marr mendja se do që ndodhe diçka e tillë…”.
Ditë më parë liderët shqiptare kanë reaguar pas provokimeve të avionëve luftarak mbi Preshevë, duke bërë thirrje autoriteteve serbe të mos e keqpërdorin hapësirat e komunës së Preshevës për demonstrimin e forcave ajrore.
Këta avion luftarak mbi Preshevë ua kthyen kujtimet e luftës banorëve të Luginës, pasi që nga ajo kohë, nuk ka pasur fluturime të avionëve luftarak serbë, por, edhe në Kosovë kjo bëri bujë të madhe, pasi të gjithë e shihnin si provokim të radhës të Serbisë, pas arrestimit të Marko Gjuriçit. Priten reagimet e para nga autoritetet.
