Një aeroplan i ushtrisë ruse është përplas në Siri, duke shkaktuar vdekjen e 26 pasagjerëve dhe 6 anëtarëve të bordit.
Lajmi u bë i ditur nga Ministria ruse e Mbrojtjes, e cila po investigon mbi përplasjen fatale, por dyshimet paraprake janë se aksidenti mund të ketë ndodhur si pasojë e një problemi teknik.
“Një avion rus i transportit An-26 u rrëzua derisa po vinte për ulje në bazën ajrore Khmeimim. Të gjithë ata që ishin në bord vdiqën”, thuhej në deklaratën e lëshuar nga ministria.
Aeroplani goditi tokën rreth 500 metra larg pistës, ndërsa pas përplasjes ka shpërthyer në flakë.
