Në brigjet e Libisë janë shpëtuar 164 emigrantë, të cilët udhëtonin në drejtim të Evropës me anijen humanitare ‘Open Armës’.
Të enjten në mbrëmje u shpëtuan 69 emigrantë ndërsa 55 të tjerë ishin shpëtuar të enjten në mesditë. Kësaj shifre i bashkohen edhe 40 persona të tjerë të cilët ishin pjesë e bordit të anijes.
OJQ-ja spanjolle “Proactiva Open Arms’’ njoftoi të premten se kishte identifikuar në mesnatë një gomone në vështirësi. Në bord ndodheshin 69 persona me shenja dhune, përfshirë dy fëmijë dhe një grua shtatzënë.
Në bordin e anijes “Open Arms”, ndodheshin dy foshnja dhe rreth pesëmbëdhjetë gra në mesin e një grupi prej 55 personash të cilët u shpëtuan të enjten, ndërsa gomonia me të cilën udhëtonin po mbushej me ujë dhe rrezikonte të fundosej.
