Forcat e Armatosura kanë nisur evakuimin e disa familjeve në Novoselë dhe Ferras për shkak të motit të keq.
Nga ana tjetër, Shtabi i Emergjencave në Vlorë dhe Fier ka zhvilluar mëngjesin e sotëm një takim për të diskutuar mbi ndërhyrjet dhe masat e nevojshme për përballimin e situatës së krijuar nga reshjet e dendura të shiut.
Sipas Ministrisë së Mbrojtjes, më shumë se 100 efektivë të Shkollës së Trupës në Bunavi dhe efektivë të batalionit të Poshnjës në Berat janë të angazhuar në evakuimin e familjeve të prekura nga përmbytjet, ndërsa janë vënë në dispozicion edhe 5 mjete të tonazhit të rëndë nga Komanda Mbështetëse.
Sipas Qendrës se Bashkuar Operacionale parashikohet që rreth orës 13:00 prurjet të jenë maksimale nga lumi Vjosë në Novoselë.
