Është e frikshme të mendosh se shkrirja e ‘akullnajës më të rrezikshme në botë’ mund të shkaktojë përmbytje katastrofike në të gjithë planetin. Kështu duhet të kuptohet përse NASA e ka përshkruar zbulimin e një thyerjeje të madhe në glacierin “Thwaites”, në Antarktikun Perëndimor, si ‘shqetësues’.
Shkencëtarët kanë llogaritur se pjesa e shkëputur zë afërsisht dy të tretat e sipërfaqes së Manhatanit. Sipas NASA-s, nëse ky trup i madh i akullit do të shkrihet tërësisht, do të shtonte rreth dy metra nivelin e ujit në oqeanet e botës – që mjafton për të shkaktuar përmbytje katastrofike, por jo apokaliptike.
Sipas NASA-s nëse i gjithë akulli i shkëputur në këtë zonë të Antarktidës do të shkrijë, niveli i deteve në gjithë Botën do të ngrihet 2.4 metra. Kjo do të përmbyste qytetet bregdetare si Nju Jorku. Situata mbase do të jetë më e përballueshme, nëse ato shkrijnë me ngadalë, por në rast të shkrirjes së shpejtë, rreziku do të shumëfishohet.
Glacieri “Thwaites” në Antarktikun Perëndimor mbulon një sipërfaqe prej 182 000 kilometrash katrorë – një zonë me madhësinë e Britanisë së Madhe. Ai po shkrihet në një shpejtësi të tmerrshme, duke humbur rreth 50 miliard ton akull çdo vit.
“Kuptimi i detajeve se si oqeani shkrin këtë akullnajë është thelbësore për të projektuar ndikimin në rritjen e nivelit të deteve në dekadat e ardhshme”, tha Eric Rignot i Universitetit të Kalifornisë. /Metro.news.
Përktheu dhe përshtati TIRANA TODAY
