Në Llogara është bllokuar qarkullimi i mjeteve për disa orë, si pasojë e një masivi dheu.
Kështu, reshjet e dendura të shiut kanë shkaktuar rrëshqitje dheu në aksin Orikum-Llogara, duke krijuar probleme në qarkullim.
Kalimi i mjeteve në rrugë po bëhet me vështirësi pranë fshatit Dukat, ndërsa në vendngjarje kanë mbërritur strukturat e policisë dhe ato të mirëmbajtjes së rrugëve dhe po punohet për normalizimin e situatës.
